ქართული პოლიფონიის მრავალფეროვან სამყაროში გამორჩეულ ადგილს იკავებს ფოლკლორული ანსამბლი „მთიები“. ედიშერ გარაყანიძის მიერ დაარსებული კოლექტივი წლებია ეძღვნება ქართული მრავალხმიანობის დაცვას, ძველი სიმღერების აღდგენასა და მომავალი თაობებისთვის გადაცემას.
„მთიები“ არ არის მხოლოდ ანსამბლი – ეს არის ერთგული მემკვიდრეთა გუნდი, რომელიც სიყვარულით, სიზუსტითა და დიდი პასუხისმგებლობით ასრულებს თავის საქმეს.
მათი რეპერტუარი მოიცავს საქართველოს თითქმის ყველა კუთხის ფოლკლორს.
ედიშერ გარაყანიძე არამარტო შესანიშნავი მომღერალია, არამედ მასწავლებელიც, მისი ხელმძღვანელობით არაერთმა ახალგაზრდამ შეიყვარა ფოლკლორი და აირჩია გზა, რომელიც ქვეყნის ეროვნული თვითმყოფადობის ნაწილია.
ფოლკლორული ანსამბლი დღესაც აგრძელებს აქტიურ მუსიკალურ ცხოვრებას, გამოდიან კონცერტებზე, მონაწილეობენ საერთაშორისო ფესტივალებში და იღებენ ახალ თაობას ანსამბლში.
ეს არის გუნდი, რომელიც ხმებით ჰყვება ისტორიას, სადაც თითოეული ნოტი საუკუნეების გამოცდილებას და გრძნობას ატარებს.
მასალა მოამზადა: ანა ლეჟავამ
Leave a Reply